daayam pa.Daa huaa tere

daayam pa.Daa huaa tere dar par nahii.n huu.N mai.n 
Khaak aisii zindagii pe ke paththar nahii.n huu.N mai.n 

kyuu.N gardish-e-mudaam se ghabaraa na jaaye dil 
insaan huu.N, pyaalaa-o-saaGar nahii.n huu.N mai.n 

yaarab! zamaanaa mujh ko miTaataa hai kis liye 
lauh-e-jahaa.N pe harf-e-mukarrar nahii.n huu.N mai.n 

had chaahiye sazaa me.n uquubat ke waaste 
aaKhir gunaahagaar huu.N, kaafir nahii.n huu.N mai.n 

kis waaste aziiz nahii.n jaanate mujhe 
laal-o-zumaruud-o-zar-o-gauhar nahii.n huu.N mai.n 

akhate ho tum qadam merii aa.Nkho.n se kyuu.n dareG 
rutabe me.n mahr-o-maah se kamatar nahii.n huu.N mai.n 

akhate ho tum qadam merii aa.Nkho.n se kyuu.n dareG 
rutabe me.n mahr-o-maah se kamatar nahii.n huu.N mai.n 

'Ghalib' wazifaa_Khwaar ho, do shaah ko duaa 
wo din gaye ki kahate the "naukar nahii.n huu.N mai.n" 

(Mirza ghalib)