dhotaa huu.N jab mai.n piine ko us siimatan ke paa

dhotaa huu.N jab mai.n piine ko us siimatan ke paa.
rakhaataa hai zid se khe.nch kar baahar lagan ke paa. 
dhotaa huu.N jab mai.n piine ko us siimatan ke paa.
rakhaataa hai zid se khe.nch kar baahar lagan ke paa.
bhaage the ham bahut so usii kii sazaa hai ye 
hokar asiir daabate hai.n raahazan ke paa.
araham kii justajuu me.n phiraa huu.N jo duur-duur 
tan se sivaa fiGaar hai.n is Khastaa tan ke paa. 
allaah re zauq-e-dashtan_vardii ke ba_ade-marg 
hilate hai.n Khud-ba-Khud mere a.ndar kafan ke paa.
hai josh-e-gul bahaar me.n yaa.N tak ki har taraf 
u.Date hue ulajhate hai.n murG-e-chaman ke paa.

shab ko kisii ke Khvaab me.n aayaa na ho kahii.

dukhate hai.n aaj us but-e-naazuk_badan ke paa.

'Ghalib' mere kalaam me.n kyo.n kar mazaa na ho 

piitaa huu.N Khusro-e-shiirii.n_suKhan ke paa.

Mirza ghalib